МАҢҒЫСТАУ ОБЛЫСЫНЫҢ МИКО- ЖӘНЕ ЛИХЕНОБИОТА ТҮРЛЕРІНІҢ АЛДЫН АЛА АННОТАЦИЯЛАНҒАН ТІЗІМІ
DOI:
https://doi.org/10.26577/bb202510431Кілттік сөздер:
Саңырауқұлақ тәрізді организм, лихенобиота, Маңғыстау облысы, микобиота, паразит, иелік өсімдік, сапротроф, симбиотроф, субстратАннотация
Бүгінгі таңда Маңғыстау облысының мико- және лихенобиотасы іс жүзінде зерттелмеген, мұнда тек 5 түрі ғана саңырауқұлақтар мен саңырауқұлақ тәрізді организмдер ретінде тіркелген. Осыған байланысты біздің жұмысымыздың мақсаты Маңғыстау облысының мико- және лихенобиотасының түрлік құрамын зерттеп, түрлердің аннотацияланған тізімін жасау болды. Мақалаға арналған үлгілер 2024 жылы Маңғыстау облысы территориясынан жиналды. Саңырауқұлақтар мен қыналар препараттарын дайындау, оларды Levenhuk MED D45T LSD жарық микроскопының көмегімен зерттеу және идентификациялау стандартты әдістер бойынша жүргізілді. Әдеби деректер мен гербарий үлгілерін өңдеу нәтижесінде Маңғыстау өңіріндегі саңырауқұлақтардың, саңырауқұлақ тектес организмдердің және қыналардың аннотацияланған тізімі жасалды, оның ішінде Chromista және Fungi екі патшалығының 102 түрі анықталып, енгізілді. Біздің зерттеуіміздің құндылығы мен тәжірибелік маңыздылығы Маңғыстау облысының мико- және лихенобиотасының түрлік құрамы, саңырауқұлақтар мен қыналардың таралуы бойынша мәліметтер алуға және олардың экологиялық топтарын анықтап, әртүрлі субстрат түрлеріне бейімделушігін анықтауға негізделген.
