АРАЛАС СҮТ ҚЫШҚЫЛ ӨНІМДЕРІНЕН БӨЛІНІП АЛЫНҒАН ЛАКТОЗАНЫ АШЫТАТЫН АШЫТҚЫЛАРДЫҢ МОРФО-ФИЗИОЛОГИЯЛЫҚ ЕРЕКШЕЛІКТЕРІ
DOI:
https://doi.org/10.26577/eb.2024.v99.i2.06Кілттік сөздер:
лактозосбраживаюшие дрожжи, морфо-физиологические свойства, брожения, колония дрожжей, микрофлора кумыса.Аннотация
Мерзімді қайта егу арқылы культураларды ұзақ сақтау морфологиялық, культуралық және физиологиялық сипаттамалардың тұрақтылығын қамтамасыз ете бермейтіні белгілі. Осыған байланысты жеке белгілердің өзгергіштік ауқымын және коллекциялық дақылдардың гетерогенді қасиеттеріне қоршаған ортаның әсерін және олардың морфо-физиологиялық қасиеттерін зерттеу қажеттілігі туралы сұрақ туындайды. Сондықтан да, біз осы ашытқылардың негізгі таксономиялық маңызды фенотиптік белгілерін зерттеуге қайта оралғанды жөн деп санадық. Нәтижесінде Candida sphaerica KM95 культурасы популяцияның макроморфологиялық гетерогенділігінде көрінетін табиғи өзгергіштік көрсетпейтіні байқалды: барлық дерлік колониялар бір –біріне ұқсас болды. Candida kefyr var. kumis 17 қатты қоректік ортада өсіргенде бірқатар морфологиялық белгілерде айтарлықтай өзгергіштік байқалды. Сонымен популяция құрамы бір-бірінен көлемі, түсі, пішіні, құрылымы және т.б. бойынша ерекшеленетін колониялардың бірнеше түрлерімен ұсынылған. Лактозаны қарқынды ашытатын культураларды іздеу барысында шұбаттан бөлініп алынған ашытқылардың 25 штаммы зерттеліп, Candida тұқымдасына жатқызылған. Ашытқылардың ферменттік белсенділігін салыстырмалы түрде зерттеу барысында, лактозаны ашытатын ашытқылардың ең белсенді штаммдары – C. sphaerica 1M және C. sphaerica 3M екені анықталды. Біздің бақылауларымыз бойынша, зерттелген культуралар сусло агар қоректік ортасында ұзақ өсіргеннен кейін мальтозаны ашытуға қабілетті, алайда лактозасы бар ортада өсу қабілеті жоғалады
