EREMURUS ROBUSTUS ЖӘНЕ E. TIANSCHANICUS ТҮРЛЕРІНІҢ ҚАЗІРГІ ТАРАЛУЫ
DOI:
https://doi.org/10.26577/bb202510433Кілттік сөздер:
Asphodelaceae, Eremurus, ареал, флористикалық аудандар, экологияАннотация
Мақалада Asphodelaceae тұқымдасына жататын Eremurus туысына жүргізілген зерттеу нәтижелері ұсынылған. Бұл туысқа жуандаған тамырлары мен түп жапырақтары бар 70-тен астам көпжылдық шөптесін өсімдіктер жатады. «Қазақстан флорасы» деректеріне сәйкес, Қазақстанда бұл туыстың 13 түрі тіркелген, алайда М.С. Байтеновтің мәліметтері бойынша олардың саны 15 түрге жетеді. Бұл мәліметтер аталған түрлерге қатысты болашақ далалық зерттеу жұмыстарына негіз болады. Жұмыс барысында 1988 жылдан 2024 жылға дейінгі кезеңдегі әдеби деректерге шолу жасалып, ірі гербарий қорларындағы (AA, TASH, LE, MW) 130-дан астам үлгілер қарастырылды. Жиналған деректер негізінде Eremurus robustus және E. tianschanicus түрлерінің таралу картасы жасалды. Зерттелген түрлердің таралу аймақтары Қазақстан мен Орталық Азияның ботаникалық-географиялық аудандастырылуына сәйкес анықталды: Eremurus robustus түрінің таралу аймағы: Аймақ – Сахара - Гоби, Ішінара аймақ – Иран-Тұран, Провинция – Таулы Орталық Азия (Жетісу-Солтүстік Тянь - Шань); Eremurus tianschanicus түрінің таралу аймағы: Аймақ – Сахара - Гоби, Ішінара аймақ – Иран - Тұран, Провинция – Таулы Орталық Азия (Жетісу-Солтүстік Тянь-Шань).
