КҮЙІКТЕРДІ ЕМДЕУГЕ АРНАЛҒАН МИКРОБТЫҚ ПОЛИСАХАРИДТЕР НЕГІЗІНДЕГІ ГИДРОГЕЛЬДЕР
DOI:
https://doi.org/10.26577/bb2025102114Ключові слова:
күйікті емдеу, микробтық экзополисахаридтер, гидрогельдер, пуллулан, декстран, альгинат, гиалурон қышқылыАнотація
Осы шолуда микробтық полисахаридтердің бірегей қасиеттерін пайдалана отырып, күйік жарақаттарын емдеудің инновациялық тәсілдері қарастырылады. Бұл қасиеттерге жараның инфекциялануын болдырмау, оның ылғалдануын сақтау және регенерация процестерін жеделдету жатады. Пациенттер үшін қолайлы дәрілік формадағы табиғи негіздегі жаңа препараттарды жасау күйіктерді емдеу үдерісінің күрделілігі мен жоғары құнына байланысты, өйткені ауыр жағдайларда бұл өлімге әкелуі мүмкін.
Қазақстанның фармацевтикалық нарығын талдау көпфункционалды күйікке қарсы препараттардың жетіспеушілігін және табиғи негіздегі белсенді қосылыстардың төмен пайызын көрсетті (17,6% – табиғи компоненттер, 82,4% – синтетикалық компоненттер). Гидрогельдер дәрілік форма ретінде қолдануға ыңғайлы және ерекше физика-химиялық қасиеттерге ие. Олар жараның айналасында ылғалды орта сақтауға, белсенді заттардың бөлінуін реттеуге және оларды зақымдалған аймақпен тікелей байланыстыруға, инфекция көздерінен қорғаныс тосқауылын жасауға қабілетті.
Микробтық полисахаридтер үш өлшемді торлы құрылымдар түзе алады, сондықтан олар гидрогельдер үшін перспективті негіз болып табылады. Микробтық полисахаридтер негізінде жасалған гидрогельдердің құрамы мен қасиеттерін зерттеу биополимерлік қосылыстардың қолжетімді әрі тиімді дәрілік формаларды әзірлеуге әлеуетті екенін көрсетеді. ...
